Akademiyada magistratura dasturlariga tanlov ikki bosqichda oʻtkaziladi:

1-bosqich: Test sinovlari (100 ball)

- Siyosiy-huquqiy bilimlar — 25 ball;

- Ijtimoiy-iqtisodiy bilimlar — 25 ball;

- Intellektual, tahliliy va mantiqiy fikrlash qobiliyati — 25 ball;

- Xorijiy til — 25 ball (ingliz, nemis, fransuz tillari bo‘yicha B2 yoki undan yuqori CEFR sertifikati mavjud boʻlsa, testdan ozod etiladi).

  Test sinovlari Bilim va malakani baholash agentligi tomonidan tashkil etiladi.

 

2-bosqich: Suhbat

Suhbat davomida quyidagilar baholanadi:

- Iqtisodiy va huquqiy bilimlar;

- Boshqaruv va liderlik koʻnikmalari;

- Jamoa bilan ishlash, strategik va tahliliy fikrlash qobiliyatlari;

- Moslashuvchanligi, tashabbuskorlik va innovatsion yondashuv;

- Loyihaviy boshqaruv va notiqlik mahorati.

 

Suhbat vazirlik va idoralar, jamoat tashkilotlari, yetakchi professor-oʻqituvchilar va mustaqil ekspertlardan iborat tanlov komissiyasi tomonidan oʻtkaziladi.

 Akademiya magistratura mutaxassisliklariga qabul qilishning yakuniy natijalari qabul komissiyasi tomonidan nomzodning test sinovi hamda suhbat natijasida olgan ballarning qo‘shgan holdagi umumiy balldan kelib chiqib, eng yuqori ball to‘plagan nomzodlarning davlat granti bo‘yicha birinchi navbatda qabul qilinish huquqi taʼminlanadi.

 

Magistratura mutaxassisliklari fanlaridan kirish sinovlari dasturini quyidagi xavoladan ko‘rishingiz mumkin: DASTURLAR

Murojaat uchun:

Tel.: +998 (71) 232-60-70; +998 (71) 232-61-44

E-mail: [email protected]

Websayt: https://dsba.uz

Manzil: Toshkent shahri, Islom Karimov koʻchasi, 45, 100066.