O‘zbekiston Respublikasi Prezidenti huzuridagi Davlat siyosati va boshqaruvi akademiyasida hududiy filiallar faoliyatini tizimli o‘rganish ishlari izchil davom etmoqda. Akademiya prorektori Shamsiddin Valiev boshchiligida Samarqand va Qarshi hududiy filiallari faoliyati kompleks o‘rganildi.

Hududiy filiallar faoliyatini kompleks o‘rganish jarayonida har ikki filialda ta’lim jarayonlari O‘zbekiston Respublikasi Prezidentining PF–78-son Farmoni talablariga muvofiqlashtirilgani aniqlandi. Shu bilan birga, Samarqand filialida infratuzilmani modernizatsiya qilish, Qarshi filialida esa o‘quv-uslubiy va tashkiliy jarayonlarni tizimlashtirish zarurligi qayd etildi.

 Kadrlar tayyorlash samaradorligini oshirish doirasida quyidagi ustuvor vazifalar belgilandi:
— yagona o‘quv standartini joriy etish;
— ta’limning amaliy yo‘naltirilganligini kuchaytirish;
— raqamli ta’lim infratuzilmasini rivojlantirish;
— ta’lim natijalarini boshqaruv amaliyotiga integratsiya qilish.

✍️Mazkur o‘rganish yakunlari asosida hududiy filiallarni istiqbolli kadrlarni maqsadli tayyorlaydigan, ularni davlat boshqaruviga samarali integratsiya qiladigan hamda amaliy yechimlar ishlab chiqadigan natijaga yo‘naltirilgan institutsional platformalarga transformatsiya qilish vazifasi belgilandi.