Onlayn qabul
Davlat boshqaruvi sohasida kadrlar tayyorlashni ilmiy-uslubiy muvofiqlashtirish Markazi bosh ilmiy xodimi lavozimi uchun malaka talablari:
1. Umumiy talablar
- Oliy ma’lumot magistr yoki unga tenglashtirilgan darajaga ega bo‘lishi.
- Davlat boshqaruvi, siyosatshunoslik, iqtisodiyot, huquqshunoslik, menejment yoki pedagogika yo‘nalishlaridan biri bo‘yicha PhD (fan nomzodi) ilmiy darajasiga ega bo‘lishi, DSc (fan doktori) ilmiy darajasiga ustunlik beriladi.
- Ilmiy-tadqiqot faoliyatida kamida 5–7 yil ish tajribasi.
- Davlat boshqaruvi tizimi, normativ-huquqiy hujjatlar hamda kadrlar siyosati bo‘yicha chuqur bilimga ega bo‘lishi.
2. Kasbiy bilim va ko‘nikmalar
- Davlat boshqaruvi tizimi, davlat xizmati va kadrlar siyosati sohasidagi amaldagi qonunchilikni mukammal bilishi.
- O‘quv dasturlari, o‘quv-metodik majmualar, davlat ta’lim standartlari va kompetensiya modellari ishlab chiqish tajribasi.
- Kompetensiyaga asoslangan ta’lim yondashuvi, strategik rejalashtirish, monitoring va baholash mexanizmlarini amaliy qo‘llay olish.
- Ilmiy tadqiqot metodologiyasi, ma’lumotlar tahlili va prognozlash usullarini bilishi.
- Ilmiy-tahliliy ishlanmalar, ekspertiza xulosalari, normativ-huquqiy takliflar va konseptual hujjatlar tayyorlash ko‘nikmasi.
- Ilmiy maqolalar, monografiyalar, metodik qo‘llanmalar va tahliliy hisobotlar tayyorlash tajribasi.
- Elektron axborot tizimlari va raqamli platformalar bilan ishlash ko‘nikmasi.
- Xalqaro tajribani o‘rganish va amaliyotga joriy etish bo‘yicha tajribaga ega bo‘lishi (ustunlik beradi).
3. Normativ-huquqiy bilimlar
- O‘zbekiston Respublikasining davlat boshqaruvi va davlat xizmati sohasidagi qonunchiligi.
- Ta’lim to‘g‘risidagi qonunchilik hamda malaka oshirish tizimiga oid normativ-huquqiy hujjatlar.
- Ilmiy faoliyat va innovatsiyalarni tartibga soluvchi me’yoriy hujjatlar.
4. Shaxsiy va professional kompetensiyalar
- Tizimli va analitik fikrlash qobiliyati.
- Ilmiy-uslubiy jarayonlarni muvofiqlashtirish va boshqarish ko‘nikmasi.
- Jamoa bilan ishlash va ilmiy rahbarlik qilish tajribasi.
- Yuqori darajadagi yozma va og‘zaki nutq madaniyati.
- Mas’uliyatlilik, tashabbuskorlik va strategik qaror qabul qilish qobiliyati.
5. Til talablari
- O‘zbek va rus tillarini mukammal bilish.
- Ingliz tilini bilish (ustunlik beradi).
Biz taklif qilamiz:
- Barqaror ish joyi
- O‘z vaqtida beriladigan oylik maosh
- Ijtimoiy to‘plam (Akademiya hududida joylashgan suv xavzasi, sport zali, bepul tibbiy yordam)
- Professional rivojlanish imkoniyati
Tanlovda ishtirok etish uchun zarur hujjatlar:
- Ma’lumotnoma (namunaga asosan);
- Diplom va ilovalari nusxasi;
- Boshqa hujjatlar (sertifikatlar mavjud bo‘lsa).
Barcha hujjatlar [email protected] pochta manzili orqali 2026 yilning 31 mart kuniga qadar qabul qilinadi.