Onlayn qabul
Mol-mulkni saqlash va boshqarish boshqarmasi Bosh energetik lavozimi uchun malaka talablari:
Umumiy talablar
- Oliy ma’lumot: energetika, elektrotexnika, mexanika, qurilish yoki tegishli muhandislik sohalari.
- Energetika tizimlari, elektr ta’minoti, issiqlik energiyasi va texnologik jarayonlar bo‘yicha kamida 3-5 yil ish tajribasi.
- Energetika infratuzilmasini boshqarish, ekspluatatsiya va texnik xizmat ko‘rsatish bo‘yicha chuqur bilimga ega bo‘lishi.
- Davlat va korporativ standartlarga, xavfsizlik qoidalariga rioya qilish bo‘yicha tajribaga ega bo‘lishi.
2. Kasbiy bilim va ko‘nikmalar
- Elektr ta’minoti, issiqlik energiyasi va energetik uskunalarni boshqarish, diagnostika va texnik nazorat asoslarini bilish.
- Energiya tejash va resurslarni samarali ishlatish texnologiyalarini amaliy qo‘llay olish.
- Texnik loyihalash, texnikaviy chizmalar va texnik hujjatlarni tahlil qilish ko‘nikmasi.
- Oylik hisobotlarni yuritish va topshirish.
- Quyosh panellarini o‘rnatish va ularga xizmat ko‘rsatish bo‘yicha bilim va tajribaga ega bo‘lish.
- Favqulodda vaziyatlarda energiya tizimlarini tezkor boshqarish va muammolarni hal qilish ko‘nikmasi.
- Elektr texnika va energiya hisob-kitob dasturlari bilan ishlash.
- Energetika sohasida normativ-huquqiy hujjatlar, xavfsizlik talablarini bilish.
3. Normativ-huquqiy bilimlar
- O‘zbekiston Respublikasining energetika, elektrotexnika va qurilish sohalari qonunchiligi.
- Davlat standartlari va me’yoriy hujjatlar (GOST, ISO va mahalliy standartlar) bo‘yicha bilimga ega bo‘lishi.
- Ishchi va favqulodda holatlarda xavfsizlik va mehnatni muhofaza qilish talablarini bilishi.
- Energetik infratuzilmani mol-mulkni boshqarish tizimiga moslashtirish bo‘yicha me’yoriy asoslar.
4. Shaxsiy va professional kompetensiyalar
- Tizimli va analitik fikrlash qobiliyati.
- Energetik jamoani boshqarish va ish jarayonlarini muvofiqlashtirish ko‘nikmasi.
- Mas’uliyatlilik, tashabbuskorlik va muammolarni tezkor hal qilish qobiliyati.
- Yuqori darajadagi tashkiliy va texnik qaror qabul qilish malakasi.
- Innovatsion yondashuv va texnik yangiliklarni amaliyotga joriy etish salohiyati.
Tanlovda ishtirok etish uchun hujjatlar:
- Ma’lumotnoma (na’munaga asosan);
- Diplom va boshqa hujjatlar nusxalari;