O‘zbekiston Respublikasi Prezidenti huzuridagi Davlat siyosati va boshqaruvi akademiyasi delegatsiyasining O‘zbekiston Respublikasi Huquqni muhofaza qilish akademiyasiga tanishuv tashrifi amalga oshirildi.

Tashrif doirasida tomonlar o‘rtasida ishchi uchrashuv o‘tkazilib, ta’lim va ilmiy-tadqiqot faoliyati sohasida hamkorlik to‘g‘risidagi memorandum imzolandi. Uchrashuv chog‘ida Huquqni muhofaza qilish akademiyasining ta’lim dasturlari, ilmiy-tadqiqot infratuzilmasi hamda o‘quv jarayonida qo‘llanilayotgan zamonaviy texnologiyalar bilan yaqindan tanishildi.

Imzolangan memorandum yuqori malakali professional kadrlarni tayyorlash, davlat boshqaruvi sohasida me’yoriy-huquqiy hujjatlarni tadbiq etish qo‘llash amaliyotining dolzarb masalalari bo‘yicha qo‘shma ilmiy tadqiqotlar olib borish, akademik mobillikni kuchaytirish, shuningdek, o‘quv-uslubiy qo‘llanmalar ishlab chiqish va nashr etish kabi yo‘nalishlarda hamkorlikni rivojlantirishga qaratilgan.

Mazkur kelishuv ikki akademiya o‘rtasidagi ilmiy va amaliy hamkorlikni yangi bosqichga olib chiqish, ilmiy-ta’lim muhitini mustahkamlash hamda kadrlar salohiyatini oshirish uchun mustahkam asos yaratadi.